លោកជំទាវ ចឹក ហេង បានអញ្ជើញចុះជួបសំណេះសំណាលជាមួយក្រុមប្រឹក្សាឃុំ នគរបាលបុស្តិ៍ សមាជិកភូមិ នៅឃុំរក្សា ស្រុករវៀង ខេត្តព្រះវិហារ
ព្រឹកថ្ងៃពុធ ១ កើត ខែ ចេត្រឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២២ ខែមីនា ឆ្នាំ២០២៣ លោកជំទាវ ចឹក ហេង សមាជិកព្រឹទ្ធសភាប្រចាំភូមិភាគទី៨ បានអញ្ជើញចុះជួបសំណេះសំណាលជាមួយក្រុមប្រឹក្សាឃុំ នគរបាលបុស្តិ៍ សមាជិកភូមិ នៅឃុំរក្សា ស្រុករវៀង ខេត្តព្រះវិហារ ដើម្បីស្វែងយល់ពីសភាពការណ៍រួមក្នុងមូលដ្ឋាន។ បន្ទាប់ពីបានស្តាប់សេចក្តីរាយការណ៍របស់លោកមេឃុំ រួចមក លោកជំទាវ បានសម្តែងការកោតសរសើរដល់អាជ្ញាធរដែលបានខិតខំបំពេញការងារតាមតួនាទី ភារកិច្ច ប្រកបដោយស្មារតីទទួលខុសត្រូវខ្ពស់ រក្សាបានសន្តិសុខសណ្តាប់ធ្នាប់ល្អ ភូមិឃុំមានសុវត្ថិភាព និងការផ្តល់សេវាសាធារណៈបានទាន់ពេលវេលា។ ក្នុងពេលនោះលោកជំទាវបានសំណូមពរអោយអាជ្ញាធរឃុំរួមគ្នាខិតខំដោះស្រាយបញ្ហាប្រឈមនានាឱ្យអស់លទ្ធភាព រួបរួមកម្លាំងគ្នា រក្សាសាមគ្គីភាព ហើយធ្វើសកម្មភាពឱ្យបានល្អ ដើម្បីទទួលបានការគាំទ្រជ័យជំនះនាពេលខាងមុខ។ ក្នុងឱកាសនោះ លោកជំទាវបានឧបត្ថម្ភឧបករណ៍តេស្តរហ័សចំនួន ០៣ប្រអប់ ម៉ាស់ចំនួន ០៥ប្រអប់ និង សំភារះសង្គ្រោះបឋមចំនួន ០១ប្រអប់ រួមទាំងថវិកាក្នុងម្នាក់២០ ០០០រៀលចំនួន២២នាក់។
